Ысык-Көл облусунда эркек кишини кечээ күнү унаа сүзүп кетти, деп билдирди бүгүн, 12-октябрда, ЖКККББнын басма сөз кызматы. Окуя 19:00 чамасында Ак-Суу районунун Боз-Учук айылында болгон. Шапак айылынын 72 жаштагы тургуну мас абалда жолдун ортосуна отуруп алган. Аны «Хёндай» унаасы сүзүп кетип, айдоочу окуя болгон жерден качып жоголгон.

Ысык-Көл ЖКККБнын кызматкерлери «Хёндайдын» айдоочусун кармады. Ал Шахта-Жыргалаң айылынын 36 жаштагы тургун Б.Д. экени белгилүү болду.

Окуя КЖБРга Жазык кодексинин 297-беренеси (Жол кыймылынын жана автомототранспорт каражаттарын эксплуатациялоонун эрежелерин бузуу) менен катталды.

Булак: NazarNews.kg