Вице - мэр, мэрияны сотко берди

Журналист: NAZARNEWS

24.07.2019, 2:15

19103

саясат

Талас шаарынын вице - мэри Дамирбек Курманалиев мэрияны сотко берди.

Вице - мэрдин мыйзамсыз жумуштан алындым деп эсептегени анын бул кадамга баруусуна себеп болгон. Ал:

Мен 6-июнда эмгек өргүүгө кеткем. Мэр мага: "эмгек өргүүгө чыга турган болсоң, өз каалооң менен жумуштан кетүү тууралуу арызыңды да кошо жаз" деди. Мен ага чейин Бишкекке башка жумушка которулуу жөнүндө ойлонуп жаткам. 6-июндан 5-июлга чейин эмгек өргүүгө, 8-июлдан тарта өз каалоом менен жумуштан кетүү тууралуу эки арыз жаздым.

Бирок эмгек өргүүм бүтө электе, 3-июль күнү мэрге келип жумуштан кетпей турганымды айтып, кайра арыз таштадым. Ооруп жаткандыгыма байланыштуу 12 күн ооруканага жатып, жумушка келсем ээлеген кызматыман бошотуп коюшуптур. Анан сотко бердим. Мен таламымды талашам" - дейт Дамир Курманалиев.

Курманалиев мэриянын мындай чечимине макул эместигин айтып Талас шаардык сотуна кайрылганы белгилүү болду, - дейт "Факты.kg" гезити.

Булак: NazarNews.kg