Дача-СУдагы кырсыктын болгонуна быйыл 2 жылдын жүзү болду. Ата-энесинен айрылып жетим калган балдардын көкүрөгүндөгү кусалыктын толгонуна дагы 2 жыл, балдарынан көз ачып жумгуча айрылган ата-эненин көз жашы кургабай агып жатканына дагы 2 жыл толду. Жетимдердин өксүгү түбөлүк кала берет.

Учак кулаган күн алар үчүн өмүр бою кара дак болуп өтөт. Жаш балдарды ата-энесинен, ата-энени балдарынан ажыраткан, өлүм алып келген учактагы жүк кимдики экени 2 жылдан бери ачылбай келүүдө. Тынч уйкуда жаткан элдин үстүнө кулаган учак кимдин жүгүн алып келгени неге ачыкталбайт?

Жүктүн ээсинин аты-жөнү кыркка жакын адамдын өмүрүнөн да улукпу? Же кыргыз бийлиги мыйзамсыз жүк ташыган адамдын алдында өмүр бою милдеттүү болуп калганбы? Бул табышмактын жандырмагы деги ачылабы?

Булак: "Жаңы Ордо"