Жалал-Абад: Бир айылдын тургундары атышып кетти

Журналист: МЭЭРИМАЙ АЛЫБЕКОВА

10.02.2023, 17:34

15796

коом

Жалал-Абад облусунда айылдашы эркек кишинин көзүнө ок чыгарганын аталган мекемеге облустук ички иштер башкармалыгынын басма сөз кызматы билдирди.

Милициянын маалыматына караганда, 8-февраль күнү саат 17:30да Бешик-Жон айыл аймагынын 1975-жылы туулган тургуну А.К. 1961-жылы туулган айылдашы Д.К.ны сол көзүнө атып салган.

Ыкчам иликтөө иштеринин натыйжасында жогорудагы кылмышка шектүү кармалды. Тинтүү учурунда алардан травматикалык тапанча, 5 даана ок жана бир гильза табылган.

Бул факты боюнча КРнын Кылмыш-жаза кодексинин 130-беренеси (ден соолукка оор залал келтирүү) боюнча кылмыш иши козголгон.

Ошондой эле наркологиялык экспертизанын жыйынтыгында шектүү мас абалында экени аныкталган.

Ал 2020-жылдын май айынан бери ыкчам топ кызматкерлери агенттигинде иштеген.

Учурда тергөө иштери уланууда.

Буга чейин Саламаттыкты сактоо министрлиги жабыркаган адамды аймактык оорукананын нейрохирургдары сактап калганын билдирген.

Булак: NazarNews.kg