Учурда өлкөдөгү жол эрежесин “Патрулдук милиция” деп жаңы түзүлгөн түзүм тейлейт эмеспи. Мына ошолор эмитен эле жолго кожоюундук кыла башташканбы? Же чындап эле анда эрежени билбегендер иштешеби?

Бир эмес, бир нече ирет жол тартибин бузган тартип сакчылардын унаасын айдоочулардын бири сүрөткө тартып алган. Көрүнүш Бишкек шаарынын Жибек жолу проспектиси менен Курманжан датка көчөсүнүн кесилишинде катталганы айтылат.

Бул тууралуу күбөнүн билдирүүсүнө караганда, 01 KG 790 AA мамлекеттик номурундагы унаа жол чыракта кызыл жанып турганучурда өтүп кетип, жөө жүргүнчүлөр өтүүчү өтмөккө барып токтогон. Буга тиешелүү тармактар чара көрө турганына күбөө кызыкканын жергиликтүү маалымат булактардын бири дагы жазып чыкты.

Булак: NazarNews.kg