Дүйнөнүн эки жолку чемпиону Акжол Махмудов социалдык тармактагы баракчасы аркылуу алдыда Азия оюндарына даярдык көрүп, машыктыруучулардын үмүтүн актоого аракет кыларын жазды:

"Турнирлерге ар дайым жан дүйнөм жана жоопкерчилик менен мамиле жасаганга аракет кылам.

Мен машыктыруучуларымдын алдындагы милдетимди билем. Машыктыруучуларымдын үмүтүн жана эмгегин актоо мен үчүн 100% маанилүү. Бизди алдыда Азия оюндары күтүп жатат! ИншаАллах колумдан келген аракеттин баарын жасайм. 

Тарыхты изилдеп-окубастан, аны жаратып жана жазышат", - дейт ал.

Белгилей кетсек, Сербиянын Белград шаарында өтүп жаткан Дүйнө чемпиондугунда жеңишке жетип, "Париж-2024" жайкы Олимпиада оюндарына жолдомо алган. Ошондой эле балбан Дүйнө чемпиондугунан кийин өзүнүн салмак категориясында биринчи орунга көтөрүлгөн.

Булак: NazarNews.kg