Үстүбүздөгү жылдын 1-2-ноябрында жүргүзүлгөн сурамжылоолор АКШнын президенти Джо Байдендин рейтинги жогорулаганын көрсөттү. Бирок Демократиялык партия дагы деле Өкүлдөр палатасын көзөмөлдөй албай калат деп күтүлүүдө. Бул тууралуу «Рейтер» агенттиги жазды.

Эки күндүк сурамжылоо көрсөткөндөй, америкалыктардын 40 пайызы Байдендин ишмердүүлүгүн жактырышат. Бул жыйынтык бир жума мурункуга караганда жакшыраак.

Көбөйгөнүнө карабастан, Байдендин рейтинги анын президенттигинин эң төмөнкү деңгээлине жакын бойдон калууда. Анын популярдуу эместиги 8-ноябрдагы орто мөөнөттүү шайлоодон кийин республикачылар Өкүлдөр палатасын, балким, Сенатты да жеңип алат деген жоромолдун күчөшүнө жардам берип жатат.

Белгилей кетсек, Конгресстин бир палатасына республикачылардын көзөмөлү аларга Байдендин мыйзам чыгаруу күн тартибине бөгөт коюу укугун берет.

2021-жылдын январында COVID-19 пандемиясынын шартында кызматка киришкен Байдендин мөөнөтү дүйнөлүк ден-соолук кризисинин экономикалык жаралары, анын ичинде инфляциянын өсүшү менен коштолду. Быйыл май жана июнь айларында Байдендин америкалыктар арасындагы рейтинги 36 пайызга чейин төмөндөгөн.

Рейтер агенттиги жүргүзгөн сурамжылоого ылайык, 3 респонденттин бири АКШдагы эң чоң көйгөй экономика сектору экенин айтышкан. Ал эми ар бир 10 респондент көйгөй катары кылмыштуулукту жана бойдон алдыруу боюнча улуттук укуктардын жоюлушун аташкан.

Маалымат үчүн, сурамжылоо онлайн режиминде АКШнын бардык штаттарында жүргүзүлгөн. Ага 1004 америкалык чоңдор катышкан. Атап айтканда, добуш берүүгө 455 демократ жана 355 республикачы катышты.

Булак: NazarNews.kg