Бакыт Шаршембиев деген байланыш жана коммуникация тармагын тескеген бир министр сөрөй бар эмес беле, аты бар заты жок. Баш тырмашкан «бажалардын» окуясы, тагыраагы «КТ Мобайлдын» ызы-чуусу аны да иштен алып тынды. Бирок, бизде жаман өнөкөт пайда болгону өкүндүрөт. Кызматкерлердин жоопкерчилиги көмүскө калып эле иштен кетиргенге маңдай жарылганча сүйүнүп, жаагыбызды жалжайтып олтурабыз.

Дегенибиз, аталган чиновник калпыс чечими, же кандайдыр бир туура эмес кадамдары менен иштен алынды да, туурабы? Демек, анын сөзсүз түрдө укуктук, жок эле дегенде саясий жазасы каралышы керек. Болбосо Шаршембиев өңдүү шылуундар бир тармактан экинчисине секирип, мамлекеттин каймагын калпып жеп, сызга батырып кете береби?

Булак: "De-facto"