Өткөн жумада Өмүрбек Текебаевди коргоп “калыстыкты айта албаган парламент тарап кетсин” дегенди айта коём деп “Өнүгүү - Прогресс” партиясынын лидери Бакыт Төрөбаев кутулбас окуяга калды. Андан бери улам бир депутат чыгып, андай кыйын болсоң айтканыңды аткар деп демитишүүдө.

Ошол балп өткөн КСДПнын лидери Иса Өмүркулов “мандатымды тапшырып берип үлгү көрсөт” деген маселени кабыргасынан койгон. Кечээ болсо дагы бир эл өкүлү  Данияр Аттокуров: “Төрөбаев сөзү популисттик эмес экенин далилдегиси келсе, парламенттен кетебиз деп чечим чыгарып келсин”, - деп азуусун көрсөттү. Айтор парламенттин тарап кетишинен чочуркагандардын баш көтөргөнү эле Төрөбаевди тепкиге алууда.

Булак: “Фабула”