Бишкектин бардык 9-класстары бүткөн күбөлүгүн алалбайт. “Бүгүн мектепте бүтүрүү аземи болуп, анда бүтүрүүчүлөргө грамота тапшырылды. Аттестаттар али даяр эмес. Окууга тапшыра тургандар кантет? Мектепте документтерди 25-июнда берерине сөз беришүүдө”, - деп даттанышты ата-энелер.

Билим берүү министрлиги болсо күнөөсүн мойнуна албай, бардык мектептерде 9-классты бүткөндүгү тууралуу күбөлүк берилгенин айтып кашкайышууда.

Бул жылы 9-классты 96 миң окуучу аяктаган. Ушул күндөрү кээ бир мектептер аттестаттын жоктугунан  салтанаттуу аземди алып салышкан.

Министр Г.Кудайбердиеваны дарегине ансыз да ар кандай дооматтар коюлууда. Окуу куралдары боюнча да бир топ нааразычылыктар айтылган. Эми минтип окууну аяктаганын тастыктаган күбөлүк колдоруна тийбей жатканы эмнеси?

Булак:NazarNews.kg