Октябрь райондук акимиятында пробация советинин жыйыны өттү. Анда беш жаранга, пробациянын кардарына жумушка орношууда, документтерин калыбына келтирүүдө юридикалык жана психологиялык жактан жардам берүү маселеси каралды.

Абакка отуруп чыккан үч адамга документтерин калыбына келтирүүгө жардам беришти. Эми алар шаардык катоодон өтүшөт. Жумушсуздарды каттоо бөлүмү үчөөнү компьютер жана эки жаранды тырмак жасоо курсуна жөнөтүштү. Аларга курс бүткөндөн кийин жумуш да берилет.

Акимиятта тынымсыз жумуштун ваканциялары каралып турат. Шайкеш келген жумуш чыкса пробациянын кардарын жумушка орнотушат.

Пробация- шарттуу мөөнөттүн түрү, соттун чечими менен айыпталуучу сынак мөөнөтүндө атайын органдардын көзөмөлүнө алынат.

Булак: NazarNews.kg