www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Борбордук шайлоо комиссиясы Эльвира Сурабалдиевага Жогорку Кеңештин депутаты мандатын тапшырды.
Ал 27-февралда өткөн шайлоодо Биринчи май округунан утуп чыккан. БШК бүгүн Сурабалдиевага кызматтык күбөлүгү менен төш белгисин тапшырды.
Элвира Сурабалдиева 2015-жылы КСДП партиясынын тизмеси менен депутат болуп келген. 2020-жылы өткөн парламенттик шайлоого "Ата Мекен" партиясынын тизмеси менен катышкан. 2020-жылы Октябрь окуясынан кийин вице-премьер-министр болуп төрт ай иштеген.
Сурабалдиева 2021-жылы 28-ноябрда өткөн шайлоого катышкан эмес. Ал мажоритардык шайлоо системасы кайрадан киргенден кийин, бир мандаттуу округдан шайлоону уткан биринчи аял болуп калды.
БШК 27-февралда Свердлов округунда өткөн шайлоонун жыйынтыгын чыгара элек. 9-мартта аталган округдан биринчи орунду алган Абдурахманхажи Муртазалиевдин каттоосун добуш сатып алуу фактысы боюнча жокко чыгарды. Муртазалиев боршайкомдун чечимин сотко берген.
Булак: NazarNews.kg
< Предыдущий
Следующий >
Последние новости
