“Кыргыз-тажик чек арасындагы кырдаал туруктуу”,- бул тууралуу Чек ара кызматы билдирди. 

Алардын айтымында бүгүн түндө мекеменин чек ара күзөтчүлөрү мамлекеттик чек ара линиясын кайтарып чыгышкан. 

“Укук коргоо органдары коомдук тартипти көзөмөлдөшүүдө. Тажикстандын аймагында түнү кээде болжол менен мергенчилик куралы делген куралдан ок атып турушту”,-деп айтылат маалыматта.

Маалымат боюнча 11-январда болжол менен 00:40дарда Төрт-Көчө-Баткен жолунда тажик жарандары кыргызстандык тургундун  Volvo автоунаасынын алдыңкы айнегин таш менен ургулашып, сындырышкан. Баткен облусундагы чек ара кызматкерлери күчөтүлгөн тартипте иштеп жатат.

Булак: NazarNews.kg