Жогорку Кеңештин депутаты Надира Нарматова “балага сүйүнчү” жөлөк пулунун өлчөмүн көбөйтүүнү сунуштады. Бул тууралуу ал бүгүн Эмгек, социалдык коргоо жана миграция министрлигинин коллегиясында билдирди.

Анын айтымында, аталган министрлик эне-баланы колдоо саясатын кайра карап чыгышы керек.

«Сүйүнчүнүн көлөмүн көтөрүшүбүз керек. Учурдагы сумма аз. Үй-бүлөнүн материалдык абалына карабай, бардык энелерге сүйүнчү берилип, анын өлчөмүн 50 миң сомго чейин көтөрүү керек”, - дейт Надира Нарматова.

Ал ошондой эле балдардын жөлөкпулун өзгөртүүнү сунуштады.

«Үй-бүлө мүчөлөрүнүн бири миграцияда болсо, дароо эле жөлөк пулдан ажыратасыз. Ал эми чет өлкөдө эмне кылып жүргөнү, акча жөнөтпөгөнү белгисиз. Бул туура эмес. Үч жашка чейинки бардык балдарга жөлөк пул берилиши керек”, - деп белгиледи депутат.

Булак: NazarNews.kg