www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Европа Комиссиясы АКШнын президенти Дональд Трамп менен Россиянын президенти Владимир Путиндин мүмкүн болгон сүйлөшүүсү тууралуу комментарий берүүдөн баш тартып, бардык сүйлөшүүлөргө Европа Биримдиги менен Украинанын катышуусу зарыл экенин белгиледи.
"Бул боюнча конкреттүү эч нерсе айта албайм, бирок биздин позиция так: Украинасыз эч кандай чечимдер жана сүйлөшүүлөр болушу мүмкүн эмес. Европа сүйлөшүү үстөлүндө болушу керек жана биз Владимир Зеленскийдин планын колдойбуз. Андан тышкары, ар кандай план Украинанын көз карандысыздыгын жана аймактык бүтүндүгүн эске алышы зарыл", – деди Евробиримдиктин тышкы саясат кызматынын расмий өкүлү Анитта Хиппер Брюсселдеги маалымат жыйынында.
Журналисттердин АКШ администрациясы мындай сүйлөшүү тууралуу кабарлаганбы деген тактоочу суроосуна Хиппер: "Бул боюнча комментарийим жок", – деп жооп берди.
Ошол эле учурда Россиянын Тышкы иштер министринин орун басары Сергей Рябков дүйшөмбү күнү РИА Новостиге берген билдирүүсүндө, азыркы учурда Россия менен АКШ президенттеринин байланышы боюнча макулдашылган график жок экенин айтты. Ал кошумчалагандай, Россия менен АКШнын ортосундагы байланыш каналдары ачык жана жабылган эмес.
< Предыдущий
Следующий >
Последние новости
