“Хизбут-Тахрирдин” “амири” кармалды

Журналист: NAZARNEWS

06.11.2019, 22:05

19634

коом

УКМК диний экстремисттик жана террордук уюмдардын мыйзамсыз иш-аракеттерине каршы күрөшүү иш-чараларынын жүрүшүндө Бишкек шаарында “Хизбут-Тахрир” диний экстремисттик уюмдун “амири”, коңшу мамлекеттин “Ш.Т.” аттуу жаранын кармады. Ал Кыргызстандын аймагында диний экстремисттик уюмдардардын жашыруун ячейкаларынын иш-аракеттерин жетектеп жүргөн. Бул тууралуу УКМКнын маалымат кызматы кабарлады.

Такталгандай, кармалган адам коңшу мамлекеттердин биринде “Хизбут-Тахрир” диний экстремисттик уюмуна катышкандыгы үчүн эл аралык издөөдө жүргөн. “Ш.Т.” жасалма паспорт колдонуп, Кыргызстандын аймагында активдүү экстремисттик аракеттерин жасаган.

КР Кылмыш-жаза кодексинин 359-беренесинин 3-б, 39-беренеси жана 358-беренесинин 1-б. боюнча Кылмыштардын жана жоруктардын бирдиктүү реестрине катталып, УКМКнын тергөө кызматы тарабынан кармалган адамга карата сотко чейинки өндүрүш башталды. Кармалган адам Бишкек шаарынын №1-Тергөө камак жайына киргизилди. Тергөө жүрүп жатат.

Булак: NazarNews.kg