Укук коргоо кызматкерлери Ксения Собчактын Москва районундагы Горки-8 коттедждер конушундагы үйүндө тинтүү жүргүзүүдө, деп билдирет ТАСС жана 112 Telegram каналы.

ТАСС маалымдагандай, тинтүү анын коммерциялык директору Кирилл Сухановго карата мурда козголгон опузалоо боюнча жүрүп жатат. Ал 25-октябрда кармалган.

Собчак Суханов опузалап акча талап кылган деген айып менен кармалганын айтып, болгон окуяны "күлкү, куру сөз жана болбогон нерсе" деп сыпаттаган.

"Мен жана менин жалпы редакциям муну өлкөдөгү журналистикага жасалган дагы бир кысым катары баалайбыз", - деди Собчак.

Булак: NazarNews.kg