www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстандын аймактарында вакциналарды сактоого ылайыкталган сегиз кампа курулуп жатат. Бул тууралуу Саламаттык сактоо министрлиги билдирди.
Маалыматка ылайык, учурда Ооруларды алдын алуу жана мамлекеттик санитардык-эпидемиологиялык көзөмөлдөө департаментинин райондор аралык борбору үчүн алты кампанын курулушу жүрүп жатат. Алар: Токтогул, Ала-Бука, Баткен, Жалал-Абад шаарларында жана Араван айылында жайгашкан. Ал эми Бишкек менен Кербен шаарларында жакынкы күндөрү курулуш иштери башталары пландалууда. Бул объектилер Дүйнөлүк банктын "COVID - 19га ыкчам чара көрүү" долбоорунун алкагында каржыланат.
Буга чейин ушул эле долбоор менен Талас шаарындагы, Москва, Кемин жана Базар-Коргон райондорундагы вакцина сактоочу кампалар оңдоп-түзөөдөн өткөнү белгиленди.
Мындан сырткары, Оорулардын алдын алуу жана мамлекеттик санэпидкөзөмөл департаментине вакциналарды сактоочу 50 муздаткыч жана 50 термоконтейнер сатып алынганы айтылды.
Булак: NazarNews.kg
< Предыдущий
Следующий >
Последние новости
