Кечээ, 29-ноябрда Бишкекте Кыргызстан журналисттер союзунун жаңы кеңсесинин ачылышы болду. Бирикменин төрагасы Илязбек Балташев массалык маалымат каражаттарынын өкүлдөрүн, көз карандысыз журналисттерди жана социалдык тармактарда маалымат таратууга катышкан блоггерлерди журналисттер союзунун кеңсесине келүүгө чакырды.

60 жылдан ашуун убакыттан бери иштеп келе жаткан Журналисттер союзу телекөрсөтүү, радио жана интернет уктурууларынын ар кандай катышуучуларын бириктирген бирдиктүү аянтчаны түзүү максатында бардык ЖМК өкүлдөрүнөн сунуштарды жана пикирлерди алууга кызыкдар экенин билдирет.

«Журналисттердин тилектештигин чыңдоо, интернетте жана социалдык тармактарда эркин иштеген ЖМК менен блоггерлердин ортосундагы ажырымды жоюу, ошондой эле бүткүл медиа тармагынын өкүлдөрүн кылмыш куугунтугунан коргоо жана коом алдындагы жоопкерчилигибизди жогорулатуу максатында бардык кесиптештеримдин сунуштарын кабыл алууга даярмын”, - деди Балташев.

Азыр журналисттер Союзунда 700-ашык журналист бар. Бирок Балташев өлкөдө массалык маалымат каражаттарынын өкүлдөрүнүн саны алда канча көп экенин белгилеп, журналисттер биримдиги маалымат таратуу үчүн өз блогун жүргүзгөн блоггерлер менен көз карандысыз журналисттерди бириктирүүнү да пландап жатканын айтты.

Журналисттер союзунун жаңы кеңсеси төмөнкү даректе жайгашкан: Мукай Элебаев көчөсү 14/1, Төрөбай Кулатов көчөсү менен кесилишет.

Сурап билүү телефондору: +996505052252 Асель Жаныбекова.