Бүгүн, 21-октябрда, президент Садыр Жапаров Улуттук коопсуздук мамлекеттик комитетинин Чек ара кызматына күжүрмөн техника тапшыруу аземине катышты. Бул тууралуу президенттин басма сөз кызматы кабарлайт.

Зооттолгон аскердик техниканын кырк даанасы УКМКнын Чек ара кызматынын өздүк курамын чыңдоо жана өлкөнүн мамлекеттик чек арасын бекемдөө үчүн мамлекет башчысынын тапшырмасы боюнча сатып алынган.

Белгилей кетсек, өлкөнүн эгемендүүлүк тарыхында биринчи жолу биздин жергиликтүү аймакка ылайыкталган жаңы аскердик техника ушунча санда толугу менен бюджеттик каражатка сатып алынды.

Булак: NazarNews.kg