Бүгүн, 17-февралда Жогорку Кеңештин депутаттары кезектеги жыйынга чогулду.

Анда эл өкүлү Мирлан Самыйкожо Ак-Талаа районундагы Маданият үйү 1968-жылы курулганын белгиледи.

 «Жылытуу системасын жаңылоого 2 млн 400 миң сом сурап жатышкан экен. Андан тышкары, Чүй театрынын бүгүнкү күнгө чейин имараты жок. Андыктан аталган маселелерди Министрлер кабинети чечип бериши керек», – деп кошумчалады.  

Буга кошо депутат Шарапаткан Мажитова мектептерде жана жогорку окуу жайларында эгемендүүлүк доорундагы тарыхты окутуу каралбай калганын айтып, бул жаатта тийиштүү иштер жүргүзүшү керектигин белгиледи.

Булак: NazarNews.kg