Японияда бирма боксу боюнча Lethwei 14 in Japan турнири учурунда ойго келбеген иш болуп кетти. Тактап айтканда, турнирдин алкагындагы беттештердин бирине калыстык кылып жаткан реферинин нокаутка кетиши болду. Бул тууралуу РИА Новости жазып чыкты.

Маалыматка караганда, 21-октябрда Токиодо өткөн беттештин 7-секундасында судья мушкерлерди ажыратмакчы болуп жакын келип, башына сокку жеп, аңтарылып калган.

Рефери бир топко өзүнө келе алган эмес, ошондуктан беттешти убактылуу токтотуп турууга туура келген. Ал эми мушкерлердин кимиси жеңишке жеткендиги тууралуу маалымат жок.

Булак: NazarNews.kg