Нарын шаарындагы "64" аймагында жол кырсыгы катталды.

Окуянын күбөсүнүн айтымында, кырсык 19-январдан 20-январга караган түнү орун алган. Анда жүк ташуучу чоң фура башкарып бараткан айдоочу шаардын кире беришиндеги үч кошкон жолдон бурулам деп жатып, жолдун чекесиндеги турак үйлөрдүн бирин сүзүп алган. Анын кесепетинен үй жараксыз абалга келген.

Бактыга жараша, кырсыктан жабыркагандар жок.

Белгилей кетсек, кырсык болгон жер Бишкек-Торугарт унаа жолунун бөлүгү болуп саналат.
Булак: NazarNews.kg