Оппозиция кимдер?

Журналист: NAZARNEWS

03.04.2019, 21:51

19775

саясат

Оппозий обон созгондор

Иш ордунан оомат оогондор

Иши жок калып көчөдө

Бийликке оппозиция болгондор

Чынында эле оппозициябыз дегендер баягы эле майлуу орундарынан ажырап калып, бийликтен куулуп кеткен эргулдар. Аларды элибиздин бакубат жашоосу, мамлекеттеги стабилдүүлүк, экономикалык өсүп-өнүгүүлөр эч качан ойлондурган эмес жана ойлондурбайт. Оппозициянын бир гана көзүн кызартканы баягы бийлик, май талкандуу иш орду. Мына жаз келди, жаздын бир күнү, бир жылга тете дегендей дыйкандарыбыз жазгы талаа жумуштарына даярбы, күйүүчү-майлоочу майлары барбы аны ойлогон адам жок. Өздөрүнүн керт башын ойлошуп эле көксөгөн бийликке жетсек эле деп турушат. Көксөгөнү, көздөгөнү эле бийлик. Азыркы тапта элибизге бир гана өлкөбүздө болгон стабилдүүлүк, тынчтык керек. Анан эле ар кошкондон бир кошкон, алапайын таппай кадыры эчак эле кайтыш болгондордун баштары биригип кантип бир күч болуп, бир муштумга бирикмек эле. Колдорунан кокон тыйын келбеген кокуйлар кантип оппозиция болмок эле.

Булак: «Факты.kg»