www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Түндүк Корея 2023-жылдан бери Орусияга ок-дары жана башка аскер жабдыктары жүктөлгөн 7 миңге жакын контейнер жөнөткөн. Бул тууралуу Түштүк Кореянын коргоо министри Син Вон-сик билдирди.
Анын айтымында, Пхеньян алгач жүктү кемелер менен жеткирсе, учурда бул үчүн темир жолду көбүрөөк пайдаланууда. "Түндүк Корея бул аскердик колдоосу үчүн Орусиядан 9 миңден ашуун контейнер жардам алган болушу мүмкүн", – деп кошумчалады министр.
Sky News телеканалы белгилегендей, Шин Вон-сик бул тууралуу Түндүк Корея Жапон деңизин көздөй кыска аралыкка учуучу баллистикалык ракетасын кое бергенден бир нече саат өткөндөн кийин билдирди.
Буга чейин АКШ менен Түштүк Корея Түндүк Кореяны Орусияга снаряддарды жана башка аскердик жардамдарды жөнөтүүгө айыптаган. Бул айыптоолорду Москва да, Пхеньян да четке каккан.
Февраль айында The New York Times гезити Орусия ок-дарыларды бергени үчүн Түндүк Кореянын дүйнөлүк каржы системасына кирүүсүнө жол ачып, БУУнун санкциясына кабылган түндүк кореялык активдердин бир бөлүгүн камактан чыгарганын кабарлаган.
Булак: NazarNews.kg
< Предыдущий
Следующий >
Последние новости
