Казакстандагы абалга карабай чек ара бекеттери кадимки штатта иштеп жатат. Бул тууралуу президенттин маалымат катчысы Эрбол Султанбаев билдирди.

«Казакстандан келген азык-түлүк кымбаттап кетет деген кооптонуудан улам, учурда кыргыз-казак мамлекеттик чек арасы аркылуу өтүү, анын ичинде жүктөрдү өткөрүү штаттык режимде жүргүзүлүп жатканын маалымдайбыз.

Эки тарап тең буга чейин коронавирус инфекциясынын жайылышына каршы күрөшүү чараларына байланыштуу киргизилген чектөөлөрдөн тышкары эч кандай кошумча чектөөлөрдү киргизген жок”, - деп билдирди Президенттин басма сөз катчысы Эрбол Султанбаев.

Булак: NazarNews.kg