Бүгүнкү чыгырылышта Кыргыз Республикасынын Маданият - Маалымат жана Туризм министринин орун басары Нуржигит Кадырбеков NazarNews.kg агенттигине маек курду...

--Алгач Нуржигит Кадырбекович Сизди кызмат ордуңуз менен куттуктайбыз!

--Рахмат

--Учурунда ыр жазып жүргөнүңүздөн кийин сизди "молдо болуп кетти", - деп айтышкан. Ошол чынбы?

--Мен бул сөзгө каршы эмесмин. Кайсы тармакта иштесем ошол тармакты изилдегенге аракет кылам. “Ыйман” фондун жетектеген учурум болчу. Бул биздин расмий саясатыбыз болгон. Ал жакта диний-маданий өнүктүрүү болгондуктан, дин чөйрөсү менен жүргөнгө аракет кылдым. Сөздөрдү семинарларда, сабактарда колдонгондо пикир жаралды.

--Эми "молдочулуктан" Маданият тармагына өттүңүз маданиятка кандай жаңылык киргизесиз?

--Азыркы учурда жаңы долбоорду ойлоп жатабыз. Аталышы “Өзүңдү таануу” долбоору...

--Учурда маданият тармагында сыйлык берүүгө пикириңиз кандай?

--Биринчиден адамдын максаты сыйлык же сыймык үчүн эмес, эл үчүн, тарых үчүн болсо жакшы болмок.

--Сизди буга чейин массалык маалыматтардан "Гүленчи",  бул кишиден кандайдыр бир акча бөлүнүп турат, деп эл арасында айтылып жүрөт...

--Чындыкты айтса - аркаңдан ушак болот, жалганды айтса - жалаа болот. Чынын айтканда, бул кишиге,бул жамаатка тиешем жок. Такыр чындыкка төп келбеген маселе.

--Клип тартсам деген, оюңуз барбы?

--Клип тартпай эле жүрөбүз. Бирок, кыска метраждуу кинолордон 30га жакынын тарттык. Учурда дүйнө элдери да жакшы пикирлерин калтырышууда.

--Рахмат!

Нуриза Молдошова, NazarNews.kg