Жогорку Кеңештеги Отун-энергетикалык комплекс жана жер казынасын пайдалануу боюнча комитетин 3 чакырылыштан бери такымына басып алып, өлкөдөгү кен байлыктарга берилчү лицензияларга кийлигишип, тоо кен тармагына отуруп алган Кожобек Рыспаев деген бар. Мына учурда уран казылбасын деп эл чуу түшүп жатса баягы Рыспаев: "Уран казылса ууланып калабыз дебей, адистердин пикирин уккула" - деп айкырык салды.

Бул Кожобекке элдин саламаттыгы, табияттын талкаланганы бир тыйын окшойт. Буга акча болсо "көзүнө көрүнгөндүн" баарын сатат көрүнөт. Кен байлыктарга байланыштуу чыр чыкса Рыспаев айкырып салып, элдин талабын четке кагып бакылдап жаткан болот. Элдин "кусуру уруп" кетпесе болду...

Булак: "Фабула"