Стамбул шаарында өлтүрүлгөн кытайлык ишкер Айеркен Саймаитинин өлүмүнө байланыштуу Жогорку Кеңеште убактылуу депутаттык комиссия түзүлдү. Мындай чечим кечээ, 21-ноябрда кабыл алынды.

Бул депутаттык комиссияга КСДП фракциясынан Искендер Матраимов, Өмүрбек Бакиров, Сайдиломжон Жураев, Аалы Карашев, «Республика - Ата Журт» фракциясынан Мирлан Жээнчороев, Талант Мамытов, Закир Шарапов, «Кыргызстан» фракциясынан Данияр Төлөнов, Алмазбек Эргешов, «Өнүгүү-Прогресстен» Тынчтык Шайназаров, «Бир Болдон» Алтынбек Сулайманов жана «Ата Мекен» фракциясынан Алмамбет Шыкмаматов кирди.

Жогорку Кеңештин кечээки жыйынында “Бир Бол” фракциясынын лидери Алтынбек Сулайманов Түркияда 10-ноябрда өлтүрүлгөн кытай ишкери Айеркен Саймаитинин маселеси боюнча атайын депуттаттык комиссияны түзүү боюнча сунуш киргизип, ал колдоо тапкан.

Булак: NazarNews.kg