Аскерлер мындан тышкары шаардын түштүк-батыш тарабындагы ордо комплексин да көзөмөлгө алды.

Сириянын өкмөттүк армиясы 27-февралда Пальмиранын түштүк-чыгышындагы стратегиялык маанилүү бийиктикти ээлеген. “Ислам мамлекети” көзөмөлдөгөн шаарга армия февралдын башынан тарта чабуул жасап баштаган.

Экстремисттик күчтөр алгач 2015-жыл майда Пальмираны басып алган. Жоочулар тарыхый эстеликтерди талкалап, шаардын эң улуу археологу Халед аль-Асаадды өлтүрүшкөн.

Былтыр, 2016-жылы сириялык армия менен орусиялык авиациянын бирдиктүү операциясынын негизинде Пальмира Асад режиминин көзөмөлүнө өткөн. Бирок декабрда жихадчылар калааны кайра ээлеп алышкан.

Булак: "centralasian.org"