www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Аба ырайынын кескин начарлашына байланыштуу Сосновка постунда таңкы саат 04:30дан тарта жүк ташуучу унаалардын өтүүсүнө убактылуу чектөө киргизилди. Бул тууралуу Транспорт жана коммуникациялар министрлигинен билдиришти.
Маалыматка ылайык, азырка тапта Бишкек - Ош унаа жолунда кар жаап, Жол тейлөө ишканаларынын кызматкерлери тазалоо жана кум себүү иштерин үзгүлтүксүз жүргүзүүдө.
Ошондой эле Токтогул районундагы Арал постуна дагы жүк ташуучу унаалардын өтүүсүнө чектөө киргизилгени маалым болду.
"Өлкөнүн башка ашууларында да жааган кар жолчулар тарабынан дароо тазаланып, инерттик материалдар себилип жатат. Каттам бар. Чынжыры жок жана жайкы дөңгөлөк менен чыккан унаалар жолчулардын ишине тоскоол болуу менен жасалма тыгын жана авариялык абал жаратууда", - деп айтылат маалыматта.
Мындан улам Транспорт жана коммуникациялар министрлиги тоолуу аймактар жана ашуулар аркылуу жол тарта турган айдоочуларды унаа дөңгөлөктөрүн кышкыга алмаштырып алууга чакырат.
Булак: NazarNews.kg
< Предыдущий
Следующий >
Последние новости
