Орозайым Нарматова камалбайт. Бул тууралуу бүгүн, 10-сентябрда төлгөсү төп келген, көп нерсени алдын ала айткан Света Тойгонбаева NazarNews маалымат агенттигине билдирди.

"Орозайым Нарматова кысымга алынат, түшүндүрүү иштери жүрөт бирок камалбайт. Буюрса, эркиндикке чыгат. Тагыраагы, Орозайымга камалат деген карта түшкөн жок", - деди айтымчы.

Белгилей кетсек, активист Орозайым Нарматованы бүгүн, 10-сентябрда таңга маал Ош аэропортунан укук коргоо органдарынын кызматкерлери кармап кеткени айтылган. Буга кошо Нарматованы соттун чечими менен Бишкекке автоунаа менен алып кетишкен деген маалыматтар бар.

Ал эми Ош ОИИБи Ош облустук милициясында активист Орозайым Нарматованы кармоо боюнча эч кандай расмий документ жок экенин билдирген.

Булак: NazarNews.kg