Бүгүн Өмүрбек Текебаевдин тарапташтары, жакшы санаалаштары жана партиялаштары анын 60 жылдыгын белгилеп жатышса, кечээ мурунку ата мекенчи Өмүрбек Абдрахманов 70 жашка чыкты.

Текебаевдин тарапташтарынын алды жөө жүрүшкө чыгып, анын иши кайра каралсын деген талаптарды коюшту. Санаалаштары болсо, аны камоодо мыйзам бузуу болгонун, иши кайра каралышы керектигин, Текебаев кечиримге муктаж эместигин айтышууда. Элдин баарынын көңүлүн бурган, коомчулуктун көңүл борборуна алынган алтымыш жашты Текебаев ооруканада тосуп, куттуктоонун баарын ошол жактан кабыл алууда. Текебаевди каматуу Атамбаевге канчалык кыйын болсо, аны чыгаруу да ошончолук кыйынчылык жараткандай.

Булак: NazarNews.kg