АКШ президенти Дональд Трамп мурдагы мамлекеттик катчы Рекс Тиллерсонду сындады. Президент "Твиттердеги" баракчасына аны “аңкоо жана ашынган жалкоо” деп атады. Трамптын айтымында, Тиллерсондун америкалык тышкы саясат мекемесин башкаруу үчүн жөндөмү жок болчу.

7-декабрда Рекс Тиллерсон CBS каналындагы маегинде Трамп менен мамилеси бир катар баалуулуктар боюнча эки башка көз карашта болгону үчүн начарлаганын айтып берген. Тиллерсондун айтканына караганда, ал Трампка бир топ талаптары мыйзамсыз экенин бир нече жолу эскерткен. Бирок кайсы талаптары жөнүндө ачык айткан жок.

Булак: NazarNews.kg