Тажикстан менен бир эмес, эки согуш болду, дагы болбойт деп эч ким кепилдик бере албайт. Тынчтыкта жашайм деген эл дайым согушка даяр болууга тийиш. Биздин душманыбыз жок, ошондуктан аскердин дагы кереги жок деген заман өттү, чек ара аймагындагы айылдарды күчтөндүрүп, керек болсо жергиликтүү тургундарды машыктырып, аларга курал да бериш керек. Бирок ал үчүн советтик мезгилде калыптанып калган элдин менталитетин да өзгөртүү зарыл, аларды мыйзамдуулукка көндүрүп, куралды туура пайдаланууга тарбиялаш керек.