Профессор жана коомдук ишмер Топчубек Тургуналиев: Мындан бир нече жыл мурда биз Ташмамат Кененсариев менен кошо Кытайга бир конференцияга барып катышканда, Макелек Өмүрбай – «Манас» эпосунда кыргыздар ханзу кытайлар менен эмес, карай-кытай (кидандар) менен согушкан деп калды. Бирок конференцияга катышып жаткан кытай тарыхчылары – эпосто ханзулар тууралуу сөз болуп жатат деп, ага каршы чыккан.

Жакында индиялык адис Картхик Рао байыркы «Махабхарата» эпосун изилдеп чыгып, андагы бир топ окуялар тарыхта чындап эле болгонун көрсөттү. Биз дагы өз «Манас» эпосубузду терең иликтеп, андагы айрым окуялар жана каармандар тарыхта чындап эле болгонун тарыхый далилдер менен бышыктасак жакшы болоор эле.