Коомдук ишмер жана Манас таануучу Топчубек Тургуналиев: «Манас» эпосунда көптөгөн жер-суу аталыштары жана башка маалыматтар бар, ошолорду тарыхчылар жакшылап иликтеп, археологдор далилдерди тапса, эпостогу айрым көрүнүштөр реалдуулук менен байланыштырылат эле. Бул жагынан алганда, «Эр Төштүккө» караганда, мисал үчүн, «Манас» эпосундагы окуялар реалдуулукка алда канча жакын.

Андан тышкары, «Манас» эпосунда – коом өзү жана коомду башкарган адамдар канчалык адилеттүү болуш керек экендиги тууралуу да мисалдар арбын. Мамлекет жетекчилерине кимдер кандай кеңеш берип, анын алыска кеткен стратегия менен күнүмдүк тактикасын кантип иштеп чыгып жана сөз эркиндиги өмүр сүргөн адилеттүү мамлекетти кантип куруш керек экенидиги тууралуу да үлгүлөр көп...