Идеяларга бай, жакында эле кыргыздын беш бармагын Гиннестин китебине киргизген мыкты журналистердин алдыңкы сабында турган Эльнура Кулуева, Дана Абдыбекова, жаш активист Аманбол Бабакулов 7-ноябрь Басма сөз күнүнө карата «Кыргыз Тилектештиги» уюму тарабынан демилгеленген, «Президентке кат куржун» жөрөлгөсүн NazarNews.kg маалымат агенттигинен куржунга кат салуу жөрөлгөсү менен баштады. Ак куржунга салынган катты жакшы максат тилек ой менен алгач биздин агенттик КР Президенти Сооронбай Жээнбековго жолдодук. Мындан ары кат куржун көптөгөн журналистердин катышуусу менен улантылып, иш-чаранын соңунда ак сакалдуу журналисттер ак куржунга толгон кат куржунду президентке тапшыра турган болду.

Андыктан урматтуу кесиптештер, «Президентке кат куржун» аркылуу суроо узатууну каалагандар демилгелүү топко кайрылсаңыздар болот. Баарыңыздарга ийгилик кесиптештер, тарыхта алгачкы жолу болуп жаткан жөрөлгө болгон «Президентке кат куржун» демилге Кыргызстанга жана кыргыз элине пайда алып келсин.

Белгилей кетсек, алгачкы жолу журналистиканын тарыхында журналисттер тарабынан “Президентке атайын кат куржун” даярдалды. Бул тууралуу белгилүү журналист Фейсбук баракчасына Элнура Кулуева жазып чыкты. “7-ноябрь журналисттердин кесиптик майрамына карата Улуттук басма сөз күнүнө арналган атайын символ деп биринчи жолу “Президентке кат” деген жазуусу бар кат куржун даярдалды. Бул кат куржун президент менен журналисттердин диалогунун жаңы формасы десек болот. Аталган куржунга ар бир журналист кат жазып сала алат. Сунуш жазабы, көйгөй жазабы.. суроо жазабы.. журналисттин эрки.

Мына ушул куржунду эки аксакал кесиптешибиз президенттин пресс-катчысына расмий тапшырып берет. Бул процессттердин баары интернеттен онлайн болуп көрсөтүлөт. 2 күндөн кийин “Президентке кат куржун “деген хэштек менен ар бир журналист өз баракчасына жазган катын жарыялайт. Декабрь айында кат жазган журналисттер менен президент жолугуп, каттарга жооп берсе деген демилгени да сунуштап жатабыз. Урматтуу кесиптештер, биз Кыргызстан деген асманы жарык өлкөдө жашап жатабыз. Биз бактылуу өлкөнүн журналисттерибиз. Мамлекетибиздин эртеңине...бүгүнкүсүнө күйө турган жүрөгүбүз бар. Чындык жана объективдүүлүк принциптери бузулду. Жек көрүү, касташуу жана социалдык агрессия күчөдү.

Мына ушул учурда журналистиканын баалуулуктарына кайтып келишибиз керек. Ой тазартуу менен журналист журтчулугу да кадамдарды жасайлы. Ушул кадамдардын бири "Президентке кат куржун " деген аталыштагы акция ... Келгиле... жапа тырмак биримдикке бет алалы...Журналисттердин каты боюнча кесиптешибиз Канышай Мамыркулова иш алып бармакчы.. Мына сиздерге ушул нерсени кабарлап койгум келди”, деп билдирди Элнура Кулуева.

Булак: NazarNews.kg