Чүй облусунун Аламүдүн районундагы Беш-Күңгөй айылында төрт дача күйүп кетти. Бул тууралуу Өзгөчө кырдаалдар министрлигинин басма сөз кызматы билдирди.

Маалым болгондой, окуя Труда көчөсүндө болгон. Өрттүн кесепетинен үйлөр күйүп кеткен. Өрттү өчүрүүгө эки бригада тартылган.

Өрттүн келип чыгышына, күбөлөрдүн айтымында, кошуналардын бири эски кийимдерди күйгүзүп алганы себеп болгон. Өрт алгач куураган чөпкө, андан соң турак жайларга өткөн.

Булак: NazarNews.kg