Бирде кайгырып, бирде терең ойго чөмүлүп ырдап, акыркы күндөрү Кыргызстандын баардык аймактарында концерт коюп, ал тургай Россия Федерациясын түрө кыдырган, ырчы Гүлжигит Сатыбековдун жаңы клиби интернетте пайда болду.

“Куса” деген ырынын клиби, жалпы 04 мүнөт 23 секунданы камтып, баардыгы 60дан ашуун кадр алмашылып, тоодо, үйдө, көчөдө тартылган. 

Клип жылдын ар кайсы мезгилинде тартылгандыктанбы айрым кадрлары башка видеокамера менен тасмага алынганы байкалып турат. Аталган клипте Гүлжигит Сатыбековдун ыры жана үнү өзгөчөлөнүп  мукамдуу чыкканы менен музыкасынын стили 90-жылдарга шайкеш.

Эске сала кетсек, элдин купулунан орун тапкан Гүлжигит Сатыбековдун орду 10 жылдан бери сахнада. Башка ырчылардан айрымачылыгы ырларынын сөзү жана обонун өзү жазат.

Булак: NazarNews.kg