СҮРӨТ-Нарында мас айдоочу эки кызды учура сүздү

Журналист: ПЕРИЗАТ КУТМАНАЛИЕВА

31.01.2020, 18:39

26423

кылмыш жана кырсык

Нарында мас айдоочу эки кызды учура сүздү. Бул тууралуу Нарын ОИИБнын басма сөз кызматы билдирди.

Маалыматка караганда, окуя 2020-жылдын 30-январь күнү саат 22:59 чамасында Нарын шаарынын Городок аймагында болгон. Анда Нарын шаарынын тургуну 1995-жылы туулган Д.у.Д "Ауди100" үлгүсүндөгү автоунаасы менен жөө жүргүнчүлөрдү ташып бара жаткан кезде, 1986-жылы туулган И.Р, жанында эч кандай документи жок "Тайота Аллион" үлгүсүндөгү автоунаасын мас абалында башкарып келе жатып жол кырсыгына учураган.

Ошол учурда Д.у.Д тиешелүү "Ауди100" үлгүсүндөгү автоунаада жүргүнчү катары кетип бара жатышкан 1994-жылы туулган Ж.А жана 2004-жылы туулган А.к.Г денелеринен жаракат алып, Нарын ОБОнун сынык-жаракат бөлүмүнө жеткирилип, көрүнүп кетишкени аныкталган.

Ыкчам-иликтөөнүн жүрүшүндө И.Р башкарып бара жаткан "Тойота Аллион" үлгүсүндөгү автоунаа Нарын шаарынын тургуну 1993-жылы туулган О.у.К тиешелүү экендиги аныкталган. О.К өзү иштеген жумушунун алдына токтотуп от алдырып коюп, жумуштун ичине кирип кеткен кезде белгисиз адамдар айдап кетип калганын билдирип арыз жазган.

Аталган факт Нарын ШИИБу тарабынан КЖБРге катталып сотко чейинки өндүрүш иши башталып тергөө амалдары жүргүзүлүп жатат.

Булак: NazarNews.kg