Хакасия Республикасындагы Балыкса айылында үй өрттөдү деп өрт өчүргүч шектелүүдө. Бул тууралуу орусиялык маалымат каражаттары жазып чыкты.

Маалыматка караганда, ушул жылдын август айынан октябрь айына чейин аталган айылдагы алты үй күйүп кеткен. Бул окуяга айылдын тургуну Иван Шнайдер шектелип жатат. Иван 26 жашта. Ал Балыкса айылынын өрт өчүргүч бөлүмүнүн башчысы болуп иштейт. 

Жабырлануучулардын айтымында, ал көпчүлүк жабырлануучулар менен дос болчу жана алар өрт өчүргүчтөн, өрттөн коргой турган адамдан мындайды күткөн эмес.  

Иван Шнайдерге “Мүлктү атайылап жок кылуу же бузуу” беренеси боюнча кылмыш иши козголду. Ал 5 жылга эркинен ажыратылышы мүмкүн.