Белгилүү ырчы Самара Каримова кайсыл бир конокто отуруп, жандуу ырдаган ыры социалдык тармактарда тарап, элдин купулуна толуп турат.

Видеого караганда, ырчы айым болжолдуу түрдө туугандарынын арасында отурганда бул ырды созгон көрүнөт. Ал эми бул видеону бөлүшкөн адам “Ушундай ырчы аялым болсо, кайда барса да кошо ээрчип жүрөт элем Орусиялабай...” – деген комментарийин калтырган. Көбү тасманын алдындагы комментарийлерге аткаруучунун жөнөкөйлүгүнө баа беришүүдө.

Белгилей кетсек, Самара Каримова жакында Москва шаарында Кремлдин сахнасында концерт коюп, анын концерттик программасы жогорку деңгээлде өткөн. Залда бош орун калган эмес.

Булак: NazarNews.kg