Бир мүшөк гашиш алып жүргөн адам Ысык-Көлдө кармалды

Журналист: NAZARNEWS

16.02.2018, 0:57

23469

кылмыш жана кырсык

Ысык-Көлдө бир мүшөк гашиш алып жүргөн Х.А. аттуу жаран кармалды. Бул тууралуу Бишкек шаардык ички иштер башкармалыгынан кабарлашты.

Анда айтылгандай, Баңгизаттарды мыйзамсыз жүгүртүүгө каршы кызматынын Бишкек шаардык бөлүмү буга чейин алынган маалыматтардын негизинде ыкчам-издөө иш-аракеттерин Ысык-Көлдө уланткан. Анын натыйжасында мурда эки жолу соттолгон Х.А. аттуу жарандын жанынан бир кап кочкул-жашыл түстөгү кара куурай жыттанган зат табылган. Ал гашиш экени аныкталып, салмагы 10 кг 100 граммды түзгөн.

Факт боюнча Ысык-Көл райондук ички иштер башкармалыгы Кылмыш-жаза кодексинин 247-беренеси ("Баңгизат каражаттарын, психотроптук заттарды, аларга бирдей заттарды же прекурсорлорду башкага берүү максатында мыйзамсыз даярдоо, сатып алуу, сактоо, ташуу, жөнөтүү, ошого тете мыйзамсыз өндүрүү же берүү") менен кылмыш ишин козгоду. Кармалган жаран убактылуу кармоочу жайга киргизилди.

Булак: NazarNews.kg