Бишкекте 19 жаштагы кыз дайынсыз болууда

Журналист: АЙСУЛУУ ТАЛАНТ

10.09.2026, 9:14

3680

коом

Бишкек шаарынын Ленин райондук ички иштер башкармалыгы 2007-жылы туулган Бакназарова Перизат Курсанбековнаны издөөгө көмөк көрсөтүүнү суранат.

Алдын ала маалыматка ылайык, 2026-жылдын 8-сентябрында саат болжол менен 18:35те Перизат үйүнөн чыгып, апасына кино көрүүгө бара турганын айткан. Үйдөн чыккандан кийин телефон чалууларга жооп бербей калган.

Байкоочу камералардын жазууларына ылайык, кыз жөө басып, Гоголь көчөсү, 23 дарегиндеги «Эконом» дүкөнүнүн жанынан өткөн. Андан кийинки учурда анын жүргөн жери белгисиз.

Өзгөчө белгилери:

бою — 165–166 сантиметр;
дене түзүлүшү — арык.

Жоголгон учурда кийген кийими:

ак түстөгү футболка;
кызгылт түстөгү жилет;
көк түстөгү джинсы шым;
ак түстөгү кроссовка;
жанында кичинекей ак түстөгү сумкасы болгон.

Бул факт Бишкек шаарынын Ленин РИИБинин маалыматтарды каттоо журналына катталган.

Милиция Перизат Бакназарова Курсанбековнанын жүргөн жери тууралуу кандайдыр бир маалыматы бар же анын кыймылын көргөн жарандардан ички иштер органдарына кабарлап коюуну өтүнөт.

Маалыматтарды төмөнкү телефон номерлер аркылуу берүүгө болот:

0312 56 32 48
050 175 78 09
0 224 214 346
же 102.

Бишкек шаарынын Ленин РИИБинин басма сөз кызматы жарандарды кайдыгер болбоого жана издөө иштерине көмөк көрсөтүүгө чакырат.