Болгарияда парламенттик шайлоо өтүүдө

Журналист: ПЕРИЗАДА ДҮЙШӨНКУЛОВА

04.04.2021, 21:45

19559

дүйнө жүзүндө

Болгарияда 4-апрелде парламенттик шайлоо өтүүдө. Өлкөдө добуш берүү тилкелери иштей баштады. Бул шайлоо премьер-министр Бойко Борисовдун өкмөтүнө каршы бир жылга жакын созулган жапырт нааразылык чараларынан кийин өтүүдө.

Премьер Борисовдун “Жарандар – Болгариянын Европалык Өнүгүүсү Үчүн” (“Граждани за европейско развитие на България”; кыска аталышы ГЕРБ) партиясы эми он жылдык башкаруучу партия катары макамын сактап калуу үчүн далаалат кылууда.

Алдын-ала сурамжылоолор ГЕРБ партиясы болжол менен 23 пайыз добушка ээ болушу ыктымалдан алыс эмес деп көрсөтүүдө.

Бул натыйжа шайлоодо тастыкталса, анда ГЕРБ партиясы үчүн 2017-жылдагы акыркы парламенттик шайлоонун жыйынтыгына салыштырмалуу 10 упайга төмөн жана бул бийликтеги партиянын 2009-жылдагы атаандаштыктан берки биринчи жолку эң начар көрсөткүчү болуп калышы ажеп эмес.

Ошондой эле, мындай жыйынтык ГЕРБ партиясын Борисов мырза премьер-министр кызматын улантуусу үчүн зарыл болгон көпчүлүккө жетишүү мүдөөсүндө башка да парламентке кирген партиялар менен коалиция түзүүгө мажбур кылат.

Булак: NazarNews.kg