Бишкек шаарындагы спорт залдар бейтаптарга алгачкы жардам көрсөтүү үчүн даярдалып жатат. Бул тууралуу Бишкек мэриясынын аппарат жетекчиси Балбак Түлөбаев билдирди.

Анын айтымына караганда, бул жерге оорунун жеңил түрү менен ооруган шаардыктар келип медиктерден кеңеш алып кетишет.

"Бүгүн кечке чейин калаанын төрт районунда орундарды даярдап бүтөбүз. Бул күндүзгү стационар болот. Орточо абалдагы жарандар келип текшерилип, укол алып кечинде үйүнө кете беришет. Спорт залдардын жанына дарыканалар уюштурулат. Медиктер жазып берген дарыны алыс барбай эле сатып алышат", — деди Түлөбаев.

Булак: NazarNews.kg