Бишкекте баңгизат жасап жаткан лаборатория табылды. Бул тууралуу Бишкек шаардык милициянын маалымат кызматы кабарлады.

Маалыматка таянсак, 273-берене ("Баңгизат каражаттарын камтыган өсүмдүктөрдү себүү жана өстүрүү") боюнча ачылган соттук өндүрүштүн алкагында 21-январь күнү атайын тергөө иштерин жүргүзүшкөн.

"Бишкек ШИИБдин Тергөө кызматы жана Криминалдык милициянын кызматкерлери Алтымышов көчөсүндөгү жеке менчик үйлөрдүн биринде кара куурай жана галлюциногендик козу карынды өстүрүп жаткан лабораторияны аныктады.

Бардык каражаттар жана өсүмүктөр алынды. Баңгизат каражаттарынын жалпы салмагы 438,07 килограммды түздү", — деп айтылат маалыматта.

Булак:NazarNews.kg