Быйыл Түркияда эс алуу кымбаттайт

Журналист: NAZARNEWS

11.02.2019, 20:40

18240

дүйнө жүзүндө

2019-жылы Туркияда эс алуу 10-15%га кымбаттайт. Мындай жогорку баалар өзгөчө КМШ өлкөлөру үчүн күтүлүүдө. Бул тууралуу Орусиянын туристтик операторлор ассоциациясынын директору Майя Ломидзе билдирди.

Мунун башкы себеби-өлкөдөгү экономикалык абалдын кескин начарлап кетиши. Түрк лирасынын кунун жоготушу менен пайда болгон инфляция өлкөнүн туристтик тармагында да өз таасирин тийгизип, ишкерлер мурункудай арзандатуу акцияларын сунуштай алышпайт.

Мындан сырткары, үч жыл мурдагы Эрдогандын Орусиянын дарегине айткан өйдө-төмөн сөздөрү жана алешем саясатына жооп кылып, орус бийлиги жарандарын Түркияга туристтик сапар менен баруусуна тыюу салып койгон. Туризм тармагы мындан олчойгон зыянга учураганда түрк тарап орусиялыктарды кайра тартуу үчүн атайын арзандатылган бааларды сунушташчу. Мындан КМШдан баргандар да пайдаланчу. Бирок бул жылы андай өзгөчө «меймандостук» көрсөтүлбөйт. Буга дагы бир себеп Германия жана Англиядагы түркиялык туристтер өз өлкөсүнө барары күтүлүүдө.

Эске салсак, Түркия быйылкы жылдан тарта тармактагы чыгымдарын туристтердин эсебинен каржылоо үчүн туристтерге салык киргизген. Буга ылайык, Стамбул, Анкара, Анталья жана Измир шаарларынан башка шаарлардын туристтерди 3-5 долларлык салыкты төлөшөт.

Булак: “Де-Факто”