Эки жыл мурун өлкөбүздө «Сейф Бизнес» деген аталыштагы тармактык бизнестин жаңы түрү пайда болбоду беле. Тармактык бизнестен көнүлүбүз калбаган эл экенбиз. Башкасы бүгүн ушул эле жетишпей тургансып, «Бул «Сейф Бизнести» кыргыз бала ачыптыр, элди алдабайт экен, кирген киши болуп көрбөгөндөй байлыкка туйтунуп байып атыптыр», - деп ураалаган элек. Тилекке каршы, убакыттын өтүшү менен баары билинип атпайбы. Бул деле баягы «кан соргучтардын» бири экен. Аты башка болгону менен заты ошол эле элди алдамай, карапайым калктын жонунан кайыш тилмей, артыңдан 15 киши киргизсең, баланча пайызын аласың деген «жөө жомок» менен баео элдин моюнуна минмей саясат экени ачыкка чыкты. Деги, буларды тескеп, ордуларына кое турчу органдар барбы өзү?

Булак: “De-Факто”